صنهات بن صنت بن صنيتان الصنهوتي...!!

اليوم عندي لكم سالفة صنهات بن صنت بن صنيتان الصنهوتي سجل مدني

رقم <<< اقول سقها

هذا مير الله يسلمكم صنهات كان يعيش في عرب الشيخ
مفوز <<< متأثربالمسلسلات البدوية
وكان يحب الترزز وانه فارس الفرسان وهو مع جنبها طول عمره يحب التسدح وشايف نفسه على جماعته وهو من زين خشته جالس يعاكس بنات القبيلة كل ما راحن ياخدن الماء من الغدير متكي في ستار بوكس على جال
الغدير<<<<<< هذي كيف تجي

والبلوتوث شغال وهاتك من القصائد اللي يعني
اني شاعر ومرهف الاحساس
والمصيبة هالدلخ حط راسة براس بنت الشيخ مفوز صيتة ذات الجمال الذي يسلب الالباب<<<<بالله وش رائكم في التعبير>>>>>> ارحمنا يامسلم
وجالس يتميلح لا شافها ويبغاها تعطية وجهه لكن صيتة
ثقيلة <<<<<<< عودت تريلة محملة أسمنت
عاد هو مصمل اني ما اتزوج
الا صيتة <<< الحب مشخمط في وجهه
نروح لبيت الشعر عند الشيخ مفوز وهو جالس على على الابتوب ينتظر افتتاح سوق الاسهم ويتابع التحليل على العربية <<<<< داخل جو
الا ويشوف خبر عاجل بالاحمر العريض الحنشل
بقيادة فليطيح يغيرون على
عرب الشيخ مفوز وياخذون الحلال غنيمة
لهم ويولوا هاربين .
حسبي عليك يافليطيح تركت وظيفتك في امن الطرق وكيل رقيب وعودت على السرق والنهب اخس يالخسيس صاح الشيخ مفوز في جماعتة ظهورهن
يالنشاما ...يالاثارت كليب <<< هذي اتركوها
شطحة من القهر
تصيح ولا تاكل تبن ماعاندك احد من هو المجنون اللي يحط راسة براس المجرم فليطيح
ومير يجي على صوت الصياح قيس بن الملوح قصدي صنهات وينخاة الشيخ مفوز صنهات ياراعي البل قال اقول سقها في ثنين انت وبنتك يومني اخطبها تقول ما باقي الا انت تناسيني ذلحين دبرعمرك
ياشيخ الغفلة <<<< لقب جديد
قال طيب واذا كان مهر بنتي صيتة انك ترد الحلال ياولد
صنت <<< يبغى يطيره في العجه .
الا وصنهات وجهه في الطعس مغشياً عليه<< ماهو ضاري بخير
لا وبعطيك فرسي الكحيلة لها المهمة
حسبها صنهات وقال ياولد هي خاربه خاربه خلنا
نعميها حياة بدون صيتة اسحب
عليها سيفون <<<< ما ادري وش عرفه السيفون
ويردد قول الشاعر ومن لم يمت بالسيف مات بغيره
وافق صنهات قال له الشيخ هيا قم شيك على الكحيلة تفقد الماء والزيت <<<<<< هذا كلام الشيخ قولوا كذاب قولوا امسك الارانب مالي دخل
ركب صنهات على ظهر الكحيلة وانطلق خلف فليطيح وعصابته حتى لحق بهم وكانت الفرس مدربة على الكر والفر وتمشي طبلونها <<<< وينك ياساهر
عاد هو ماقدر يتمسك على ظهرالكحيلة فمرة يسقط عن يمينها ومرة عن شمالها وهو ممسك بعنانها وهي تشق صفوفهم ثم تعود به مرة ولا احد قادر
يوقف في طريقة<<<< جاكم الاعصار
عاد من الروعة قاعد يصيح ويردد امسكوني لااطييييييح
عاد ربع فليطيح ينشدون
بعضهم هو وش يقول قالوا الرجال يقول
امسكوا لي فليطيح .
علموا فليطيح وقالوا والله يافارساً لحقنا ويسوي حركات على ظهر الفرس وحاط راسه براسك انه مصيبه وش السواه
قال فليطيح مايبغالها اتركوا الحلال
وانحاشوا لا ابوكم لابو من جمعكم
عاد صنهات بالحلال الى القبيلة وهو يردد
نحمد الله جت على ماتمنى
وهو يتمنى شوفة صيتة لكن تجري
الرياح <<<< اكمل ماهوفاضي
صيتة راحت فيها يوم درت انه رجع بالحلال اخذت علبة فلاش وشربته وهي تردد الموت ارحم من مقابلة وجهك ياصنهات